أرشيف كلمات الترانيم المسيحية و الأناشيد الروحية على الإنترنت

ترنيمة أنت أعظم أب شوفته

كل السنين ما تفوت يا ربي
و كل عمري ما يجري بيا
بكتشف يوم بعد يوم
أنا قد إيه مليان خطية
و كل ما يمر الزمان
بتبان عيوبي المتدارية
احسبها ألقى إن حبك
رغم نقصي كتير عليا
و إن وقفت قصاد مرايتي
ببقى خجلان من حقيقتي
بس بلقى الحب دايما
بيناديني فكلمتك

القرار:
أنت أعظم أب شفته
انت أروع حب عشته
الزمان بتزيد قساوته
إنت اطيب قلب حب
لما بسأل ليه حاببني
بلقى صوتك بيجاوبني
مهما يحصل انت ابني
و مهما كان الأب أب

بتناديني و بتعاتبني
مهما سبتك مش سايبني
كل هدفك إن اعيش العمر كله فنعمتك
لسة الزمان فاكر و يشهد
اني ياما كسرت قلبك
لسة فاكر لما فضلت البعاد و هجرت دربك
يوم ما غمّى الوهم عيني
سبت بيتي و بعت حبك
يوم ما كان نظرة عينيك
رغم اللي كان بتقول بحبك
و اما جيت ارجع اليك
بصيت لقيت صورتي فعنيك
زي الخروف الضال لقتني
فوق كتافك شلتني

محسبتنيش عن جرحي ليك
لملمت أوجاعي بإيديك
و لقيت إيديك ممدودة ليا
و جوه حضنك خدتني
انا مفتكرش لنفسي حاجة واحدة حلوة بطول ماضيّ
و ابقى ايه غير قلب قاسي
شخص مولود بالخطية
أنا اللي بعرف بس اخون
و انسى الوعود و اجرح فاديّ
كنت طول عمري بسيبك و انت بتدور عليّ
مش بجيلك غير في جرحي
عمري ما افتكرك في فرحي
قلبي دايما ناسي انك
انت مصدر فرحتي

بس رغم قساوتي بيّ
بلقى ايدك مش ايديّ
لما عيني في مرة تبكي
هي تمسح دمعتي

[ www.St-Takla.org ]